طرق السفر لإيطاليا

طرق السفر لإيطاليا

 أولاً: الهجرة الغير شرعية

الهجرة غير الشرعية عن طريق مراكب الموت وتعتبر أخطر أنواع السفر بتتعرض حياتك من خلال هذه التجربة للموت أو الترحيل عند الوصول لإيطاليا خاصة لو تجاوزت سن ال 18 سنة ووقتها بتخسر الفلوس اللي تعبت علشان تجمعها للسفر اللي وصلت ل 30 ألف جنيه في مصر ولما ترجع بلدك ممكن تتسجن.

 ثانياً: فيزا سياحة

الحصول على فيزا سياحة وده لازم يكون عندك حساب بنكي ويكون له معاملات سابقة  بجانب توفير بعض الضمانات زي HR letter  من الشغل بتاعك أو سجل وبطاقة ضريبية لو أعمال حرة وتحدد مدة الأقامة عن طريق حجز فندق.

 ثالثا: فيزا دراسية

الحصول على فيزا دراسة وده بيتطلب انك تحصل على شهاده من المعهد الدولى البريطانى فى مصر اسمها C3  ويتم ترجمتها وبعدها تتواصل مع المركز الثقافى الايطالى فى القاهره وهما بدورهم هيقدمولك الاوراق ويقوموا بمراسلة جامعات إيطالية وطبعا لازم تدفع مصاريف اول سنه لأثبات الجدية ودي بتتراوح ما بين 8000 ل 10000 يورو.

 رابعاً: قانون الدعاوى (الموسمى / العادى)

قانون الدعاوى بيتفتح من فترة للتانية  فى إيطاليا. وقت ما يفتح القانون لازم يكون لك حد فى إيطاليا ويكون عنده شركه وتكون شركته مستوفية جميع الأوراق ومعندهاش مشاكل مع الضرايب.

 خامساً: الضم العائلي

يتشرط في إجراء الضم العائلي أن يكون القريب من الدرجة الأولى ومقيم في إيطاليا قانونيا ويتقدم بطلب الضم العائلي من هناك

 سادساً: الفيزا العلاجية

تطلب السفر للعلاج في إيطاليا أجراءات مكلفة مثل:
دفع أكثر من 30% من قيمة الحساب المبدأي للمستفشى المراد العلاج بها
عمل تأمين دولي بغطي فترة العلاج
تقديم حساب بنكي يغطي التكاليف